Agriculture

DAVAO DEL NORTE: First Corn Learning Center established in Asuncion

Positibong gidawat sa lokal nga panggamhanan sa Asuncion ubos sa liderato ni Hon. Mayor, Atty. Eufracio “Yuri” P. Dayaday, Jr, MPA ang pagpahigayon sa pinakaunang Corn Learning Center (CLC) sa Eastwest Seed Company sa Davao del Norte hinungdan sa gipahitabo nga orientation sa Municipal Agricultural Production Center (APC), Purok 4B, Brgy. Magatos, Asuncion, Davao del Norte kaniadtong August 03, 2021.

Pinaagi sa Municipal Agriculture Office (MAGRO) sa pagpangulo ni Municipal Agriculturist, Evangeline N. Andoy, L. Agr. inubanan sa mga indibidwal nga mga mag-uumang mipartisipar sa pagpanguna ni Farmer-Hero Mr. Noel G. Almedora, nakig-alayon ang LGU Asuncion sa pribadong kompanya sa EastWest Seed Company nga girepresenta ni Mr. Leo D. Narca, Farmer Promotion Supervisor ug Mr. Crisanto D. Mahinay, Farmer Promotion Representative alang sa implementasyon sa maong programa.

Tumong sa maong Corn Learning Center ang paghatag ug pagtulun-an kabahin sa packaged technology sa pagtanum, pag-amuma ug pagbaligya sa usa sa mga produkto sa EastWest Seed Company, ang Purple Sweet F1 nga malagkit nga mais. Ang CLC mulungtad sulod sa usa ka cropping season sa maong variety nga muabot sa 65 hantod 68 ka adlaw. Ang kahibalo nga makat-unan sa ma mag-uuma nga mupartisipar maoy mamahimong pundasyon alang sa pag-establish ug production-market linkages sa Purple Sweet F1 sa probinsya.

Naggahin ang LGU Asuncion ug 0.5 ha nga luna sa Municipal APC para mamahimong demonstration area sa maong variety sa malagkit nga mais dugang pa sa tabang sa teknikal nga aspeto nga ikahatag sa mga personahe sa MAGRO.

May be an image of one or more people, people standing, outdoors and text that says 'PINAKA UNANG CORN LEARNING CENTER EASTWEST SEED COMPAN NORTE, PRODUCTION CENTER Positibong gidawat lokal 2021. (CLC) hinungdan Production Eastwest (APC),P 03. Municipal Evangeline nga maong paghatag Naggahin mga hatg Company isa sa Sweet branding indibidwal produktong Municipa Production dunay kabahin municipal ga ktibedades barangay ni BarangayHo EmilianoM Rabe pagsuporta maong'

Samtang ang Eastwest Seed Company, dugang pa sa technical assistance, maghatag sab ug upat (4) ka kilo nga binhi alang sa demonstration area ug tinag-duha (2) ka kilo nga binhi matag-usa sa baynte (20) ka partisipante. Ang binhi sa Purple Sweet F1 mapalit sa kantidad nga Php 1, 400.00 matag kilo. Ang mga makakompleto sa maong pagtulun-an makadawat usab ug Certificate of Training.

Aduna usab pagahitabuon nga branding alang sa abot sa demonstration area lakip na ang sa indibidwal nga mga partisipante diin mutabang ang Eastwest Seed Company sa pagpanindot sa mga tindahan nga maoy mamahimong outlet sa produktong purple sweet corn.

Mahinumduman nga ubos sa “Amuma sa Mag-uuma Program”, magpatukod ang LGU Asuncion ug Municipal Agricultural Production Center (APC) nga adunay kadak-on nga 13.0 ha ug maoy mamahimong sentro sa mga proyekto, programa ug aktibedades nga adunay kalabot sa sector sa agrikultura niining munisipalidad. Isa sa mga kabahin niining APC mao ang 0.59-ha nga corn demonstration area.

Kasamtangang nagapadayon na ang mga operasyon sa pagdevelop sa municipal APC nga opisyal na nga panag-iyahan sa LGU Asuncion human ang pinirmahay sa Deed of Sale alang sa maong luna kaniadtong Nobyembre 24 sa milabayng tuig.

Gilauman nga pinaagi sa municipal APC, mas mudaghan pa ang mga pribadong kompanya o bisan mga pampublikong ahensya nga madasig sa pakig-alayon sa LGU Asuncion para sa pag-implementar ug lain-laing mga proyekto, programa ug aktibedades nga adunay kalabot sa pagpalambo sa panginabuhian sa mga lumulupyo sa Asuncion labi na ang mga mag-uuma.

Mitambong sab sa maong panagtapok si barangay kagawad, Hon. Leoniel C. Balintongog, representante ni Brgy. Magatos Punong Barangay Hon. Emiliano M. Rabe isip pagsuporta sa maong kalihukan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s